Aron Kale opnar sýningu

Sunnudaginn 6. maí opnar Aron Kale sýningu í gallerí Klaustri. Sýningin er liður í hátíðinni List án landamæra en þetta árið er Aron útnefndur listamaður hátíðarinnar. Aron hefur stundað listsköpun frá 2011 og sýnt verk sín bæði á einkasýningum og samsýningum á Austurlandi og í Reykjavík. Sýningin verður opnuð kl. 14 á sunnudaginn og stendur til 31. mars. Í maí er opið alla daga á Skriðuklaustri kl. 11-17.

Gleðileg jól og farsæld á komandi ári 2018

Gunnarsstofnun og Klausturkaffi óska gestum og velunnurum Skriðuklausturs gleðilegrar jólahátíðar og farsældar á komandi ári. Kærar þakkir fyrir allar heimsóknirnar á árinu sem er að líða.

Afmælishelgi á Skriðuklaustri

Gunnarsstofnun fagnar 20 ára afmæli helgina 9.-10. desember 2017. Af því tilefni verður efnt til lítillar hátíðardagskrár á Skriðuklaustri laugardaginn 9. desember kl. 14 þar sem horft verður bæði til fortíðar og framtíðar í starfsemi stofnunarinnar. Meðal þeirra sem flytja ávörp, erindi eða koma fram eru:

  • Björn Bjarnason fyrrum ráðherra
  • Sigríður Sigmundsdóttir varaformaður Gst.
  • Gunnar Björn Gunnarsson formaður Gst.
  • Oddný Eir stjórnarmaður og rithöfundur
  • Steinunn Kristjánsdóttir fornleifafræðingur
  • Sóley Þrastardóttir flautuleikari
  • Veitingar að lokinni dagskrá.

Af sama tilefni verður Aðventa Gunnars lesin í heild sinni á tíu (jafnvel tólf) tungumálum í hinum mörgu vistarverum Gunnarshúss á Skriðuklaustri sunnudaginn 10. des. kl. 13-17. Við vonumst til að sem flestir sjái sér fært að fagna þessum áfanga með okkur.

Myndlist, bókmenntir, tónlist og Grýla

Það er margt um að vera á Skriðuklaustri um helgina. Á laugardag 2. des. kl. 13 verða opnaðar tvær myndlistarsýningar. Annars vegar Skytturnar þrjár með verkum eftir Sigga Ingólfs og syni. Hins vegar Earth, stone & lava, sýning þýsku listakonunnar Birgit Jung. Rithöfundalestin rennir síðan í hlað kl. 14 með Jónas Reynir, Val Gunnars, Hrönn Reynis og Friðgeir Einars í broddi fylkingar en jafnframt verður lesið úr austfirskum verkum. Laugardeginum lýkur síðan með stofutónleikum Svavars Knúts kl. 20.30. Á sunnudaginn er opið kl. 13-17 og kl. 14 er hin árvissa Grýlugleði þar sem sagt er frá Grýlu og hyski hennar.

Sýningar, skáld, tónleikar og Grýla

Vegna veðurs hefur opnun myndlistarsýninga sem vera átti 25. nóv. verið frestað til kl. 13. laugard. 2. des. Fyrstu helgina í aðventu verður því margt um að vera á Skriðuklaustri. Opið verður báða daga kl. 13-17. Við byrjum á laugard. með opnun sýningarinnar Skytturnar þrjár með verkum Sigga Ingólfs og sona og sýningu hinnar þýsku Birgit Jung, Earth, Stone and Lava. Rithöfundalestin rennir síðan í hlað kl. 14 og þar munu lesa: Jónas Reynir Gunnarsson, Friðgeir Einarsson, Hrönn Reynisdóttir, Valur Gunnarsson og Sigga Lára Sigurjóns auk fleiri höfunda. Aðgangseyrir er 2000 kr. og hálfvirði fyrir eldri borgara og börn. Kaffi og kökur innifaldar. Á laugardagskvöldið verðu Svavar Knútur síðan með stofutónleika kl. 20.30. Aðgangseyrir kr. 2000. Sunnudaginn 3. des. er síðan hin árvissa Grýlugleði kl. 14 og jólakökuhlaðborð á eftir henni. Helgina 9.-10. des. verður opið kl. 13-17 bæði laugardag og sunnudag og þá verður haldið upp á 20 ára afmæli Gunnarsstofnunar. Meira um það síðar.

Hafðu samband

  • This email address is being protected from spambots. You need JavaScript enabled to view it.

Komdu í heimsókn

Fylgdu okkur