Vetrarlokun að taka við

Nú er haustið gengið í garð og þá dregur úr opnun á Skriðuklaustri. Næstu tvær vikur verður opið sem hér segir: Þriðjud. og miðvikud. 16.-17. og 23.-24. okt. verður opið kl. 11-15 og þá er hádegishlaðborð hjá Klausturkaffi. Síðan verður opið sunnud. 28. okt. kl. 12-17 með málþingi um skandinavisma og fullveldi (sjá Facebook) og kaffihlaðborði. En eftir það skellum við í lás fram yfir 20. nóvember þegar fastir viðburðir fara að skella á í skammdeginu.

The autumn is here and therefore we are closing at the cultural center and café. Next two weeks we will be open on Tuesdays and Wednesdays (16th-17th and 23rd-24th Oct.) from 11:00-15:00 and Klausturkaffi will offer lunch buffet. And on Sunday 28th Oct. we will be open 12:00-17:00 with cake buffet and a seminar in the afternoon. After that we are closed until late November when annual events of the dark December will take place as usual.

Melarétt og styttri opnun á réttardegi

Laugardaginn 22. september verður Melarétt í Fljótsdal. Að venju verður styttri opnunartími á Skriðuklaustri á réttardeginum. Klausturkaffi verður opið kl. 13-17 og býður upp á hádegishlaðborð og síðan kaffiveitingar seinnipartinn en safnið verður opið kl. 15-17. Við hvetjum fólk til að fjölmenna á Melarétt en byrjað verður að reka inn um kl. 11. 

Saturday 22nd September the café is open 13:00-17:00 and the museum is open 15:00-17:00 due to the sheep gathering of Melarett close by which starts at 11:00.

Lava Poetry í gallerí Klaustri

Föstudaginn 6. júlí verður opnuð ný sýning, Lava Poetry, í gallerí Klaustri. Sænski umhverfislistamaðurinn Karl Chilcott snýr þá aftur með ljósmyndir af þeim verkum sem hann vann á Austurlandi í fyrra þegar hann dvaldi í gestaíbúðinni á Skriðuklaustri. Sýningin verður opnuð kl. 16 en í kjölfarið verður haldið í Snæfellsstofu þar sem Karl kynnir tvær ljósmyndabækur, Flæði og Áhrif, með myndum af verkunum sem Christine dóttir hans tók. Mörg verkanna voru unnin innan Vatnajökulsþjóðgarðs en einnig í nágrenni Skriðuklausturs. Viðburðinum á föstudaginn lýkur með göngu undir leiðsögn listamannsins að þremur verkum sem hann gerði við Bessastaðaárgil. Sýningin í gallerí Klaustri stendur til loka júlí.

Heiðdís Halla sýnir í gallerí Klaustri

Opnuð hefur verið sýningin Hér / Here í gallerí Klaustri. Á henni sýnir Heiðdís Halla Bjarnadóttir þrjú tölvugrafíkverk af landslagi á Héraði. Sýningin stendur til 2. júlí og er opin alla daga kl. 10-18 sem er sumaropnunartíminn á Skriðuklaustri.

Úthlutun úr Menningarsjóði Gunnarsstofnunar

Laugardaginn 19. maí var úthlutað í þriðja sinn úr Menningarsjóði Gunnarsstofnunar. Athöfnin fór fram á Skriðuklaustri. Bjarni Benediktsson fjármálaráðherra var viðstaddur úthlutunina og í máli hans kom kom fram að ríkisstjórn Íslands hefði í desember sl. samþykkt að auka við stofnfé sjóðsins með framlagi upp á 16,5 m.kr. sem þýddi að nú væru rúmar 60 m.kr. í sjóðnum til ávöxtunar.

Helgi Gíslason, formaður sjóðsstjórnar, sagði að í ljósi viðbótarframlags ríkisins hefði sjóðsstjórn ákveðið að hafa 1,5 m.kr. til úthlutunar í ár. Margar metnaðarfullar umsóknir hefðu borist og alls verið sótt um 6,7 m.kr. Stjórnin ákvað að veita sex verkefnum styrki.

Lægsta styrkinn 150 þús. kr. fékk Ívar Andri Bjarnason til tónlistarnáms í Danmörku. Þrjú verkefni hlutu 200 þús. kr. styrk: Anar Rahimov þýðandi í Aserbaídsjan til að heimsækja Ísland vegna þýðinga á verkum Gunnars Gunnarssonar; Ólafía Herborg Jóhannsdóttir til ritunar og útgáfu á bók um sögu Loðmundarfjarðar með áherslu á Stakkahlíð; Tónleikafélag Austurlands til að halda 80's rokkveislu í góðgerðarskyni. Næsthæsta styrkinn 300 þús. kr. fengu Berta Dröfn Ómarsdóttir og Þorvaldur Davíð Kristjánsson til flutnings og vinnustofu á Austurlandi vegna óperunnar The Raven's Kiss. Hæsta styrkinn að þessu sinni hlutu Sigurjón Pétursson og Þóra Hrönn Njálsdóttir til ljósmyndaverkefnis um Svartfugl, skáldsögu Gunnars um morðin á Sjöundá á Rauðasandi, en þau hafa áður unnið sambærilegt verkefni út frá Aðventu.

Hafðu samband

  • This email address is being protected from spambots. You need JavaScript enabled to view it.

Komdu í heimsókn

Fylgdu okkur