Skriðuklaustur

Menningarsetur & sögustaður

Skáldið

Klausturminjar

Klausturkaffi

Gestaíbúð

FRÉTTIR

17.október hefst vetrarlokun og er þá aðeins opið við ákveðin tilefni og viðburði sem eru auglýstir sérstaklega.

Vetrarlokun hefst í Klausturkaffi 17.október og eftir þanni tíma er opið eftir samkoimulagi og við viðburði.

Næstu viðburðir:

Rithöfundalestin 2024: 24.nóv kl 13:30 (verður líka í streymi)

Grýlugleði 2024: 1.des kl 14:00

Vera Illugadóttir les Aðventu í skrifstofu skáldsins. 8.des kl 13:30

Opnunartími 2024
- April - maí, kl 11-17 alla daga
- Júní - ágúst, kl 10-17 alla daga
- September - 16.október, kl 11-17 alla daga
- Yfir vetrartímann er opnunartími óreglulegur.
  Leitið upplýsinga.
Staðsetning
Kort - Google Maps
- Skriðuklaustur er í Fljótsdal fyrir botni Lagarfljóts.
- 39 km frá Egilsstöðum.
- 11 km frá Hallormsstað.
- 5 km frá Hengifossi.
Verð
- Fullorðnir (safn & leiðsögn) 1200 kr. *
- Námsmenn 850 kr.
- Eldri borgarar/öryrkjar 650 kr.
- Hópar (20+ manns) 1000 kr.
- Leiðsögn fornleifasvæði hópar (10+): Fullorðnir 600 kr.*
* Börn 16 ára og yngri í fylgd með fullorðnum FRÍTT

Skriðuklaustur er sögustaður með rústum miðaldaklausturs frá 16. öld. Minjar klaustursins voru grafnar upp á árunum 2002-2012 í einni umfangsmestu fornleifarannsókn síðari ára. Á Skriðuklaustri stendur líka herragarðshúsið sem rithöfundurinn Gunnar Gunnarsson byggði árið 1939 þegar hann sneri heim eftir 30 ára dvöl í Danmörku. Í Gunnarshúsi er sýning um klaustrið og safn um Gunnar skáld með persónulegri leiðsögn fyrir gesti. Þar er jafnframt hið rómaða veitingahús Klausturkaffi.

Klausturkaffi

Klausturkaffi heitir veitingastaður á neðri hæð Gunnarshúss á Skriðuklaustri. Þar er íslensk matargerð í hávegum höfð og lögð áhersla á að nota hráefni svæðisins, s.s. lambakjöt, hreindýrakjöt, hrútaber og lerkisveppi. Allar kökur og allt brauð er heimabakað.

Matseðlar

Vörur

Umsagnir

Instagram

Facebook

Klausturminjar

Á árunum 2002-2012 voru grafnar voru upp rústir Ágústínusarklausturs sem starfaði frá 1493 til siðaskipta 1550. Skriðuklaustur var síðasta klaustrið sem stofnað var í kaþólskum sið og hið eina á Austurlandi. Klaustrið var hæli fyrir sjúka og fátæka og þar var starfrækt sjúkrahús og skóli. Minjasvæðið er opið öllum allt árið.

Minjar

Gestaíbúð

Gunnarsstofnun rekur gestaíbúð fyrir lista- og fræðimenn að Skriðuklaustri. Íbúðin kallast Klaustrið og hefur tekið á móti góðum gestum allt frá 1989 sem hafa dvalið þar og unnið að völdum verkefnum. Íbúðin er tveggja herbergja (svefnherbergi, stofa, eldhús og bað) á efri hæð Gunnarshúss. Rithöfundar, fræðimenn, tónskáld, myndlistarmenn, tónlistarmenn, dansarar og aðrir listamenn geta sótt um 3-6 vikna dvöl í gestaíbúðinni.

Um Gestaíbúðina

Fyrir börnin

Það er eitt og annað fyrir börnin að sýsla á Skriðuklaustri. Á milli Snæfellsstofu og Gunnarshús er lítið en skemmtileg völundarhús úr íslenskum viði og á leiðinni þangað má prófa leikinn „bannað að snerta jörðina“. Framan við Gunnarshús er stór og góður sandkassi fyrir yngstu kynslóðina skammt frá útiborðum Klausturkaffis. Inni við er síðan dótaherbergi á neðri hæð hússins. Og snjallir krakkar geta sótt sér smáforrit sem breyta fræðslu um miðaldaklaustrið í spennandi fjársjóðsleit.

Snæfellsstofa

Gestastofa fyrir Vatnajökulsþjóðgarð var opnuð í nágrenni Gunnarshúss á Skriðuklaustrið árið 2010. Húsið fékk nafnið Snæfellsstofa og er fyrsta íslenska húsið sem fær umhverfisvottunina BREEAM. Í Snæfellsstofu er upplýsingagjöf til ferðamanna og minjagripaverslun en jafnframt gagnvirk sýning fyrir börn og fullorðna um náttúru Vatnajökulsþjóðgarðs. Á sumrin er boðið daglega upp á barnastundir með landvörðum.

Vatnajökulsþjóðgarður

Snæfellsstofa