Áningarstaðurinn Skriðuklaustur hefur eitthvað fyrir alla fjölskylduna. Inn í Gunnarsshúsi eru fræðandi sýningar um Gunnar og Klaustrið á samt veitingastaðnum Klausturkaffi. Utandyra er hægt að finna Klausturrústirnar, ýmis leiksvæði og er Snæfellsstofa ekki langt undan.

Gunnar var fyrsti atvinnuhöfundur Íslands sem náði að komast margsinnis á metsölulista erlendis, bækur hans eru mikilsháttar skáldverk sem eiga eftir að halda nafni hans á lofti um ókomna tíð.

Minjasvæðið á Skriðuklaustri geymir rústir munkaklausturs af reglu heilags Ágústínusar frá 16. öld. Klaustrið fannst og var grafið upp á byrjun 21. aldarinnar. Svæðið er opið allan ársins hring til að skoða.

Klausturkaffi heitir veitingastaður á neðri hæð Gunnarshúss á Skriðuklaustri. Þar er íslensk matargerð í hávegum höfð og lögð áhersla á að nota hráefni svæðisins, s.s. lambakjöt, hreindýrakjöt, hrútaber og lerkisveppi. Allar kökur og allt brauð er heimabakað.

Á Skriðuklaustri rekur Gunnarsstofnun menningar- og fræðasetur með lifandi menningarstarfsemi árið um kring, sýningum, tónleikum, fyrirlestrum og öðrum viðburðum.

Gunnarsstofnun rekur gestaíbúð fyrir lista- og fræðimenn að Skriðuklaustri. Íbúðin kallast Klaustrið og hefur tekið á móti góðum gestum allt frá 1989 sem hafa dvalið þar og unnið að völdum verkefnum.