Afmælishátíð á sunnudaginn

Í tilefni 75 ára afmælis Gunnarshúss efnir Gunnarsstofnun til afmælishátíðar sunnud. 22. júní. Dagskrá hefst kl. 14 og þá verður afhjúpað upplýsingaskilti um húsið og sölubúð opnuð þar sem ýmis varningur tengdur staðnum verður seldur. Einnig mun fjölskylda Gunnars afhenda skrifborðsstól skáldsins og Áshildur Haraldsdóttir flautuleikari mun spila fyrir gesti. Allir velkomnir til að njóta dagsins á Skriðuklaustri.