Gunnarsstofnun varð til árið 1997 með reglum sem menntamálaráðherra, Björn Bjarnason, setti um stofnunina. Samkvæmt þeim reglum, með áorðnum breytingum, starfaði Gunnarsstofnun allt til ársloka 2007 og tók mið af gjafabréfi Gunnars Gunnarssonar skálds og Franziscu Gunnarsson, konu hans, frá 11. desember 1948. Frá 1. janúar 2008 hefur stofnunin verið rekin sem sjálfeignarstofnun með skipulagsskrá.

Árið 1999 var gert samkomulag milli menntamálaráðuneytis og landbúnaðarráðuneytis um að Gunnarsstofnun hefði til umráða og umsjónar á Skriðuklaustri í Fljótsdal, Gunnarshús, Skriðu sem forstöðumannsbústað, og 15 ha lóð umhverfis húsin. Þar hefur stofnunin aðsetur sitt þó að starfsvettvangur hennar sé Austurland og í raun heimurinn allur.

Á Skriðuklaustri rekur Gunnarsstofnun menningar- og fræðasetur með lifandi menningarstarfsemi árið um kring, sýningum, tónleikum, fyrirlestrum og öðrum viðburðum.

Stjórn

Stjórn sjálfseignarstofnunarinnar er þannig skipuð frá og með 1. janúar 2018:

  • Gunnar Björn Gunnarsson formaður, skipaður af menntamálaráðneyti, varamaður hans er Gunnar Martin Úlfsson.
  • Sigríður Sigmundsdóttir varaformaður, skipuð af Austurbrú ses., varamaður hennar er Björg Björnsdóttir.
  • Margrét Jónsdóttir, skipuð af Háskóla Íslands, varamaður hennar er Hjalti Hugason.
  • Svanhildur Óskarsdóttir skipuð af Stofnun Árna Magnússonar í íslenskum fræðum, varamaður hennar er Rósa Þorsteinsdóttir.
  • Oddný Eir Ævarsdóttir skipuð af Rithöfundasambandi Íslands, varamaður hennar er Bjarni M. Bjarnason

Starfsmenn

Forstöðumaður

Skúli Björn Gunnarsson er fæddur austur á Fljótsdalshéraði 24. mars 1970. Hann er íslenskufræðingur að mennt en starfaði við útgáfu, kynningu, auglýsingar, margmiðlun, vefsíðugerð og almannatengsl áður en hann tók við starfi forstöðumanns Gunnarsstofnunar 1. október 1999.

Netfang Skúla Björns er skuli [hja] skriduklaustur.is

Aðrir starfsmenn

Ólöf Sæunn Valgarðsdóttir (Skotta) er mannfræðingur sem starfað hefur hjá Gunnarsstofnun með hléum frá 2001. Hún hefur umsjón með gestamóttöku á staðnum og stýrir sumarstarfsemi auk annarra verkefna.

Netfang Ólafar Sæunnar (Skottu) er skotta [hja] skriduklaustur.is


Viðburðir eru margir á ári hverju á Skriðuklaustri. Haldnir eru tónleikar, málþing og fyrirlestrar auk annarra viðburða. Nokkrir fastir viðburðir hafa skapað sér sess og eru orðnir árvissir. Má þar nefna: Píslargöngu frá Valþjófsstað í Skriðuklaustur á föstudeginum langa í samvinnu við presta á Héraði; messu á klausturrústum þriðja sunnudag í ágúst; Grýlugleði fyrsta sunnudag í aðventu; og upplestur á Aðventu Gunnars þriðja sunnudag í aðventu. Þá er hefð fyrir tónleikum á Fljótsdalsdegi Ormsteitis ásamt óhefðbundnu íþróttamóti. Fylgist með viðburðum á Facebook Skriðuklausturs.

Sýningar og viðburðir

Gunnarsstofnun gefur út tvær ritraðir auk annars efnis. Annars vegar eru það Austfirsk safnrit sem er úrval austfirskra þjóðsagna og af því eru komin út sex bindi. Hin ritröðin er Fræðirit Gunnarsstofnunar og eru komin út tvö bindi í henni. Hér er að finna nánari upplýsingar um þessar útgáfur og aðrar auk árskýrslna stofnunarinnar.

Útgáfa

Klausturreglan er félag fastagesta og hollvina Gunnarsstofnunar á Skriðuklaustri. Aðild að reglunni geta allir fengið sem hafa áhuga. Þeir sem eru skráðir félagar fá send fréttabréf og upplýsingar um starfsemina á Skriðuklaustri.

Fastagestir og hollvinir

Klaustrid (the Monastery) is a residence for artists, writers and scholars, Icelandic or foreign. The residence is managed by The Institute of Gunnar Gunnarsson. It includes a small apartment in the unique farmhouse, Skriduklaustur, which was built in 1939 by the famous Icelandic writer Gunnar Gunnarsson.

 

Gestaíbúðin Klaustrið

Menningarsjóður Gunnarsstofnunar var stofnaður árið 2013 af mennta- og menningarmálaráðuneytinu. Þriggja manna stjórn stýrir sjóðnum en samkvæmt skipulagsskrá er tilgangur hans tvíþættur: annars vegar að renna stoðum undir starfsemi Stofnunar Gunnars Gunnarssonar á Skriðuklaustri með árlegum framlögum til hennar; hins vegar að styðja rithöfunda, listamenn, fræðimenn og námsfólk til verka er samræmast hlutverki Gunnarsstofnunar.

Menningarsjóður

Hafðu samband

  • This email address is being protected from spambots. You need JavaScript enabled to view it.

Komdu í heimsókn

Fylgdu okkur