Þú ert hér: Home
  • Increase font size
  • Default font size
  • Decrease font size
Leit

Skriðuklaustur

Icelandic(IS)Deutsch (DE-CH-AT)French (Fr)English (United Kingdom)
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator

Velkominn á vefsíðu Skriðuklausturs

Ágú30

Sagan af klaustrinu á Skriðu

Senda hlekk á þessa síðu til vinar Prenta út Skoða sem PDF skjal
Sagan af klaustrinu á SkriðuÚt er komin hjá Sögufélagi bókin Sagan af klaustrinu á Skriðu eftir dr. Steinunni Kristjánsdóttur fornleifafræðing. Steinunn stýrði uppgrefti á Skriðu, einni viðamestu fornleifarannsókn sem ráðist hefur verið í um árabil á Íslandi. Á daginn kom að Skriða var ekki aðeins aðsetur munka með helgihaldi og heitum bænum, heldur einnig skjól hinna sjúku og dauðvona. Í bókinni er saga staðarins rakin, sagt frá leitinni að klaustrinu og óvæntum niðurstöðum uppgraftarins sem er nýlokið. Í verkinu eru yfir 150 ljósmyndir, kort og teikningar. Steinunn Kristjánsdóttir segir frá klaustrinu og uppgreftinum á fjörugan og skemmtilegan hátt, án þess að slegið sé af fræðilegum kröfum. Fyrir lesendum opnast heimur trúar og valds, lífs og dauða. Bókin er að sjálfsögðu til sölu á Skriðuklaustri en mennta- og menningarmálaráðherra fékk afhent fyrsta eintakið á Skriðuklausturshátíðinni 19. ágúst sl.
 
Ágú15

Skriðuklausturshátíð um helgina

Senda hlekk á þessa síðu til vinar Prenta út Skoða sem PDF skjal

SEEDS sjálfboðaliðar við frágang á minjasvæðinuUm næstu helgi, 18.-19. ágúst, verður Skriðuklausturshátíð í Fljótsdal. Tilefnið er ærið því að lokið er tíu ára rannsókn á rústum hins forna Ágústínusarklausturs sem þar stóð á 16. öld. Mennta- og menningarmálaráðherra, Katrín Jakobsdóttir, mun opna fullfrágengið minjasvæði á þessum tímamótum sem markast einnig af þeim 500 árum sem liðin eru frá því Stefán Jónsson Skálholtsbiskup vígði klausturkirkjuna. Guðsþjónusta verður í rústum kirkjunnar og þar mun biskup Íslands, Agnes M. Sigurðardóttir, prédika. Um helgina kemur einnig út bók um rannsóknina á klaustrinu að Skriðu eftir dr. Steinunni Kristjánsdóttur og haldið verður opið málþing í Végarði í Fljótsdal.

Uppgreftri Ágústínusarklausturs á Skriðuklaustri í Fljótsdal sem starfrækt var 1493-1554 lauk síðasta sumar. Um er að ræða einhverja umfangsmestu fornleifarannsókn síðari ára en hún hófst árið 2002 með framlögum Kristnihátíðarsjóðs. Í ár hefur verið unnið að frágangi minjasvæðisins og sunnudaginn 19. ágúst nk. verður það opnað formlega af mennta- og menningarmálaráðherra. Í samráði við Fornleifavernd ríkisins hafa grunnform klausturbygginga og kirkju verið hlaðin upp og búið er að tyrfa veggi og umhverfi þannig að hægt er að feta í fótspor þeirra sem dvöldu í klaustrinu á 16. öld. Þá hefur verið komið fyrir útsýnispalli fyrir ofan svæðið með fræðsluskiltum.

Dagskrá hátíðarinnar er sem hér segir. Laugardaginn 18. ágúst verður opið málþing í Végarði kl. 13-16 þar sem dr. Steinunn Kristjánsdóttir, sem stýrt hefur rannsókninni frá upphafi, mun flytja erindi ásamt dr. Hjalta Hugasyni, dr. Vilborgu Auði Ísleifsdóttur, Hrönn Konráðsdóttur og Margréti Gestsdóttur. Málþingið er öllum opið og munu forstöðumaður Fornleifaverndar ríkisins og þjóðminjavörður sitja í pallborði með fyrirlesurum. Hér er hægt að sækja dagskrá málþingsins

 

Smiðir að ljúka smíði á útsýnispalli ofan minjasvæðisSunnudaginn 19. ágúst, sem jafnframt er Fljótsdalsdagur í Héraðshátíðinni Ormsteiti, hefst dagskrá með morgungöngu kl. 10 frá Víðivöllum í Skriðuklaustur í minningu Sesselju Þorsteinsdóttur sem gaf jörðina Skriðu undir klaustur. Eftir hádegi, kl. 13.30 verður síðan hátíðardagskrá á Skriðuklaustri þar sem mennta- og menningarmálaráðherra mun opna minjasvæðið og síðan verður guðsþjónusta við rústirnar og mun biskup Íslands prédika.

Hefðbundin dagskrá Fljótsdalsdags tekur síðan við hjá Gunnarshúsi með tónleikum Ásgeirs Trausta og Þristarleikum þar sem m.a. er keppt í rababarakasti og fjárdrætti.

Klausturkaffi býður að sjálfsögðu upp á hádegis- og kaffihlaðborð alla helgina og við minnum einnig á sýninguna Undir Klausturhæð í Gunnarshúsi um uppgröftinn, sem og Endurfundasýninguna á Minjasafni Austurlands þar sem sjá má marga gripi sem fundust við rannsóknina.

 
Ágú02

Fjöllin og Fljótið í galleríi

Senda hlekk á þessa síðu til vinar Prenta út Skoða sem PDF skjal

Þórunn og Pétur við opnunOpnuð hefur verið í gallerí Klaustri sýningin Fjöllin og Fljótið. Það eru hjónin Þórunn Víðisdóttir og Pétur Sörensson sem sýna þar olíumálverk og ljósmyndir þar sem austfirsk náttúra er meginviðfangsefnið. Á sýningunni eru 19 málverk og 8 svarthvítar ljósmyndir. Sýningin stendur til 29. ágúst og er opin á opnunartíma Gunnarhús, kl. 10-18 alla daga.

 
Júl17

Framkvæmdir á minjasvæði

Senda hlekk á þessa síðu til vinar Prenta út Skoða sem PDF skjal

Frágangur minjasvæðisÞó að uppgreftri klausturrústa hafi lokið síðasta sumar er mikið líf á minjasvæðinu í júlí. Fimm fornleifafræðingar eru að grafa lítil svæði sem urðu eftir eða þarf að grafa vegna frágangs svæðisins. Síðan eru sjálfboðaliðar frá SEEDS mættir til að koma minjasvæðinu í fagurt horf fyrir Skriðuklausturshátíðina sem verður haldin 19. ágúst nk. Þá verða liðin 500 ár frá vígslu klausturkirkjunnar og við það tækifæri verður minjasvæðið opnað formlega fullfrágengið. Vinna er hafin við smíði útsýnispalls á klettinn ofan við rústirnar en þaðan er góð sýn yfir grunnform hinna fornu klausturbygginga sem hefur verið hlaðið upp á grunni gömlu veggjanna.

 
Fleiri greinar...
JPAGE_CURRENT_OF_TOTAL

findusonfacebook

We are members

  • Austfirskar krásir
  • Saga Trails in Iceland
  • Vakinn
  • Meet the locals
Previous Next

What people are saying

  • Trip Advisor
  • Facebook

Upplýsingar

  • Opið

  • Hvar?

  • Verð

Júní-ágúst: Opið daglega kl. 10-18

Maí og sept: Opið daglega kl. 11-17

Apríl: Opið daglega kl. 12-16

1.-11. október: Opið daglega kl. 12-16

Nóv. - mars er opnunartími óreglulegur. Leitið upplýsinga.

Skriðuklaustur er í Fljótsdal fyrir botni Lagarfljóts. Kort

39 km frá Egilsstöðum

11 km frá Hallormsstað

5 km frá Hengifossi.

Á Skriðuklaustri er einnig Snæfellsstofa Vatnajökulsþjóðgarðs.

Fullorðnir (safn & leiðsögn) 1100 kr.
Börn 16 ára og yngri í fylgd með fullorðnum 0 kr.
Námsmenn 750 kr.
Eldri borgarar/Öryrkjar 550 kr.
Hópar (20+ manns) 900 kr.
Leiðsögn fornleifasvæði hópar (10>)
Fullorðnir 600 kr.
Börn 16 ára og yngri í fylgd með fullorðnum 0 kr.

 

 

Quotes

Öll erum við ekkert
nema sjórekin lík!
...Sjórekin lík
...á strönd
...lífsins

Strönd lífsins 1915


September 2017 Október 2017
Su Mo Tu We Th Fr Sa
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Á döfinni

Engir viðburðir á næstunni