Þú ert hér: Home Fréttir 2012
  • Increase font size
  • Default font size
  • Decrease font size
Leit

Skriðuklaustur

Icelandic(IS)Deutsch (DE-CH-AT)French (Fr)English (United Kingdom)

Fréttir 2012

Jólakveðja frá Skriðuklaustri

Prenta út

jolakvedja2012Aðventan er að renna sitt skeið og jólahátíð á næsta leiti. Farsælt ár á Skriðuklaustri á enda runnið. Gunnarsstofnun og Klausturkaffi óska öllum gestum staðarins og velunnurum gleðilegra jóla og farsældar á komandi ári. Samstarfsaðilum færum við bestu þakkir fyrir ánægjuleg samskipti á árinu.

 

Aðventa lesin á sunnudaginn

Prenta út

Matthias Scherwenikas og Gunnar Snorri sendiherraNæsta sunnudag,  þriðja sunnudag í aðventu 16. desember, verður Aðventa lesin samtímis á tveimur stöðum. Menningarmiðstöð Þingeyinga stendur fyrir upplestri á Grenjaðarstað og hjá Gunnarsstofnun á Skriðuklaustri í Fljótsdal mun Ævar Kjartansson lesa söguna. Lesturinn hefst á báðum stöðum kl. 14 og eru allir velkomnir meðan húsrúm leyfir. Aðgangur er ókeypis.

Sunnudaginn 9. desember var Aðventa Gunnars m.a. lesin upp í samkomusal norrænu sendiráðanna í Berlín. Þar mættu 112 manns til að hlýða á lesturinn en líkt og í fyrra var það þýski leikarinn Matthias Scherwenikas sem las söguna frá upphafi til enda.

 

Aðventa lesin víða næstu helgar

Prenta út

Wolfgang Felten 1951– Reykjavík og Berlín næsta sunnudag
 Aðventa, sagan um Fjalla-Bensa og svaðilfarir hans á fjöllum vikurnar fyrir jól, sem Gunnar Gunnarsson skrifaði árið 1936 hefur unnið sér sess sem jólasaga hérlendis hin síðari ár. Á hverju ári er hún lesin í Útvarpinu síðustu daga fyrir jól og lestri hennar lokið síðdegis á aðfangadag. Á síðustu árum hefur sá siður jafnframt skotið rótum að lesa skáldsöguna upphátt fyrir gesti víða um land og einnig erlendis.
Í ár dreifist upplestur á Aðventu á tvær helgar á þeim stöðum sem vitað er um. Sunnudaginn 9. desember mun Hjörtur Pálsson lesa söguna í Gunnarshúsi í Reykjavík að Dyngjuvegi 8. Rithöfundasamband Íslands stendur fyrir þeim lestri. Aðgangur er ókeypis og heitt á könnunni en lesturinn hefst kl. 13.30. Sama dag verður Aðventa lesin á þýsku í samkomusal norrænu sendiráðanna í Berlín kl. 14.00. Þar mun þýski leikarinn Matthias Scherwenikas lesa söguna og verður boðið upp á íslenskt bakkelsi í hléi. Sendiráð Íslands og Gunnarsstofnun standa fyrir þeim upplestri en Aðventa kom fyrst út á þýsku hjá forlaginu Reclam árið 1936 og er vel þekkt meðal þýskra unnenda íslenskra bókmennta.
 
Á þriðja sunnudegi í aðventu, hinn 16. desember, verður Aðventa lesin samtímis á tveimur stöðum. Menningarmiðstöð Þingeyinga stendur fyrir upplestri á Grenjaðarstað og hjá Gunnarsstofnun á Skriðuklaustri í Fljótsdal mun Ævar Kjartansson lesa söguna. Lesturinn hefst á báðum stöðum kl. 14 og eru allir velkomnir meðan húsrúm leyfir.

 

Rithöfundar og Grýlugleði

Prenta út

Skáldin í rithöfundalestinni 2012Um næstu helgi verður mikið um að vera á Skriðuklaustri. Laugard. 1. des. brunar rithöfundalestin árvissa í hlað. Kristín Steinsdóttir les úr Bjarna-Dísu, Kristín Ómarsdóttir les úr Millu, Steinunn Kristjánsdóttir les úr Sögunni um klaustrið á Skriðu, Eiríkur Örn Norðdahl les úr Illsku og Einar Már úr Íslenskum kóngum. Einnig verður kynnt bókin Sonur þinn er á lífi úr Útkallsseríu Óttars Sveinssonar. Rithöfundalesturinn hefst kl. 14.00 og kostar 1.000 kr. inn, kaffi og kökur innifaldar. Bækur verða seldar á staðnum og hægt að verða sér úti um áritun. Rithöfundarnir munu einnig lesa á Vopnafirði á föstudagskvöld, Seyðisfirði á laugardagskvöld og í Neskaupstað á sunnudag. Menningarráð Austurlands og fleiri aðilar styrkja rithöfundalestina að þessu sinni.sponsors

 

Hin árlega Grýlugleði verður síðan sunnud. 2. des. kl. 14.00. Þar verður grín og glens um Grýlu og hyski hennar og vonandi láta þau gömlu hjónin gesti í friði þetta árið. Ókeypis aðgangur. Jólakökuhlaðborð hjá Klausturkaffi eftir gleðina.

 

Aðventuhlaðborðin að hefjast

Prenta út

Austfirskar krásirÞá er að renna upp fyrsta helgin sem Klausturkaffi býður upp á aðventuhlaðborð. Fyrsta kvöldið er laugardaginn 24. nóv. og eru enn nokkur borð laus. En síðan verða aðventuhlaðborð á föstudags- og laugardagskvöldum allt fram til 15. desember. Hafi menn ekki þegar tryggt sér borð er vissara að hafa samband við Elísabetu sem fyrst ( Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. ). Að venju verður dekrað við gesti með heitum drykk þegar komið er í hús og síðan svigna borðin undan austfirskum krásum og alskyns góðgæti úr eldhúsinu hjá Elísabetu.

 
JPAGE_CURRENT_OF_TOTAL

Upplýsingar

  • Opið

  • Hvar?

  • Verð

Júní-ágúst: Opið daglega kl. 10-18

Maí og sept: Opið daglega kl. 11-17

Apríl: Opið daglega kl. 12-16

1.-11. október: Opið daglega kl. 12-16

Nóv. - mars er opnunartími óreglulegur. Leitið upplýsinga.

Skriðuklaustur er í Fljótsdal fyrir botni Lagarfljóts. Kort

39 km frá Egilsstöðum

11 km frá Hallormsstað

5 km frá Hengifossi.

Á Skriðuklaustri er einnig Snæfellsstofa Vatnajökulsþjóðgarðs.

Fullorðnir (safn & leiðsögn) 1100 kr.
Börn 16 ára og yngri í fylgd með fullorðnum 0 kr.
Námsmenn 750 kr.
Eldri borgarar/Öryrkjar 550 kr.
Hópar (20+ manns) 900 kr.
Leiðsögn fornleifasvæði hópar (10>)
Fullorðnir 600 kr.
Börn 16 ára og yngri í fylgd með fullorðnum 0 kr.

 

 

Quotes

Innra með sér var hann
frá sér numinn af unaði,
fann til þess í hverri taug
     og blóðdropa,
að hann var einkasonur
þessara hugumstóru fjalla.

Saga Borgarættarinnar 1929


Á döfinni

Engir viðburðir á næstunni