Þú ert hér: Home Gestaíbúð Reglur
  • Increase font size
  • Default font size
  • Decrease font size
Leit

Skriðuklaustur

Icelandic(IS)Deutsch (DE-CH-AT)French (Fr)English (United Kingdom)

Reglur

Prenta út

 

KLAUSTRIÐ


dvalarstaður lista- og fræðimanna að Skriðuklaustri

Úthlutunarreglur


1. grein
Klaustrið er dvalarstaður fyrir lista- og fræðimenn, íslenska og erlenda. Gunnarsstofnun hefur umsjón með og rekur lista- og fræðimannsíbúðina. Auglýsa skal eftir umsóknum um íbúðina á íslenskum og erlendum vettvangi í október ár hvert og gilda þær umsóknir fyrir næsta almanaksár. Dvalartími hvers gests er 3-6 vikur.

2. grein
Stjórn Gunnarsstofnunar ásamt forstöðumanni hennar velur úr innsendum umsóknum. Við það skal hafa hliðsjón af eftirfarandi:

a) Verkefni sem varða Gunnar Gunnarsson, ævi hans eða verk, njóta forgangs auk verkefna sem tengjast Austurlandi eða austfirskum fræðum.
b) Íslendingar skulu aldrei vera færri en 2/3 þeirra sem fá úthlutað.
c) Dvalartími á ekki að vera skemmri en 3 vikur nema verið sé að nýta tíma sem stendur út af við úthlutun. Jafnframt á dvalartími ekki að vera lengri en 6 vikur nema nýttur sé aukatími.

3. grein
Forstöðumaður Gunnarsstofnunar annast öll samskipti við dvalargesti og er þeim innan handar um dvalartímann nema annað sé ákveðið.

4. grein
Ekki er gert ráð fyrir neinni greiðslu vegna dvalar í Klaustrinu annarri en fyrir afnot af síma. Hins vegar er ætlast til að þeir sem þar dvelja komi á einhvern hátt á framfæri því sem þeir eru að vinna að í sinni list- og/eða fræðigrein eða öðrum verkum sínum meðan á dvalartíma stendur. Gesturinn getur því verið beðinn um að halda fyrirlestur eða taka þátt í samkomu á vegum stofnunarinnar, skilja eftir listaverk eða hvað annað sem um semst milli hans og forstöðumanns.

5. grein
Gera skal saming um afnot af Klaustrinu milli hvers gests og Gunnarsstofnunar.

6. grein
Stjórn Gunnarsstofnunar er heimilt að breyta þessum reglum ef þurfa þykir.

Samþykkt af stjórn Gunnarsstofnunar 24. nóvember 1999.

 

Upplýsingar

  • Opið

  • Hvar?

  • Verð

Júní-ágúst: Opið daglega kl. 10-18

Maí og sept: Opið daglega kl. 11-17

Apríl: Opið daglega kl. 12-16

1.-15. október: Opið daglega kl. 12-16

Nóv. - mars er opnunartími óreglulegur. Leitið upplýsinga.

Skriðuklaustur er í Fljótsdal fyrir botni Lagarfljóts. Kort

39 km frá Egilsstöðum

11 km frá Hallormsstað

5 km frá Hengifossi.

Á Skriðuklaustri er einnig Snæfellsstofa Vatnajökulsþjóðgarðs.

Fullorðnir (safn & leiðsögn) 1100 kr.
Börn 16 ára og yngri í fylgd með fullorðnum 0 kr.
Námsmenn 750 kr.
Eldri borgarar/Öryrkjar 550 kr.
Hópar (20+ manns) 900 kr.
Leiðsögn fornleifasvæði hópar (10>)
Fullorðnir 600 kr.
Börn 16 ára og yngri í fylgd með fullorðnum 0 kr.

 

 

Quotes

     En - var ekki allt líf fórn?
 - væri því réttilega lifað.
Er það ekki það sem er gátan?

Aðventa 1937


Á döfinni