skriduklaustur-gunnarshus-winter-sunset.jpg

Afmælishelgi á Skriðuklaustri

Gunnarsstofnun fagnar 20 ára afmæli helgina 9.-10. desember 2017. Af því tilefni verður efnt til lítillar hátíðardagskrár á Skriðuklaustri laugardaginn 9. desember kl. 14 þar sem horft verður bæði til fortíðar og framtíðar í starfsemi stofnunarinnar. Meðal þeirra sem flytja ávörp, erindi eða koma fram eru:

  • Björn Bjarnason fyrrum ráðherra
  • Sigríður Sigmundsdóttir varaformaður Gst.
  • Gunnar Björn Gunnarsson formaður Gst.
  • Oddný Eir stjórnarmaður og rithöfundur
  • Steinunn Kristjánsdóttir fornleifafræðingur
  • Sóley Þrastardóttir flautuleikari
  • Veitingar að lokinni dagskrá.

Af sama tilefni verður Aðventa Gunnars lesin í heild sinni á tíu (jafnvel tólf) tungumálum í hinum mörgu vistarverum Gunnarshúss á Skriðuklaustri sunnudaginn 10. des. kl. 13-17. Við vonumst til að sem flestir sjái sér fært að fagna þessum áfanga með okkur.

skriduklaustur-siggi-birgit-2017.jpg

Myndlist, bókmenntir, tónlist og Grýla

Það er margt um að vera á Skriðuklaustri um helgina. Á laugardag 2. des. kl. 13 verða opnaðar tvær myndlistarsýningar. Annars vegar Skytturnar þrjár með verkum eftir Sigga Ingólfs og syni. Hins vegar Earth, stone & lava, sýning þýsku listakonunnar Birgit Jung. Rithöfundalestin rennir síðan í hlað kl. 14 með Jónas Reynir, Val Gunnars, Hrönn Reynis og Friðgeir Einars í broddi fylkingar en jafnframt verður lesið úr austfirskum verkum. Laugardeginum lýkur síðan með stofutónleikum Svavars Knúts kl. 20.30. Á sunnudaginn er opið kl. 13-17 og kl. 14 er hin árvissa Grýlugleði þar sem sagt er frá Grýlu og hyski hennar.
rithofundar-2017.jpg

Sýningar, skáld, tónleikar og Grýla

Vegna veðurs hefur opnun myndlistarsýninga sem vera átti 25. nóv. verið frestað til kl. 13. laugard. 2. des. Fyrstu helgina í aðventu verður því margt um að vera á Skriðuklaustri. Opið verður báða daga kl. 13-17. Við byrjum á laugard. með opnun sýningarinnar Skytturnar þrjár með verkum Sigga Ingólfs og sona og sýningu hinnar þýsku Birgit Jung, Earth, Stone and Lava. Rithöfundalestin rennir síðan í hlað kl. 14 og þar munu lesa: Jónas Reynir Gunnarsson, Friðgeir Einarsson, Hrönn Reynisdóttir, Valur Gunnarsson og Sigga Lára Sigurjóns auk fleiri höfunda. Aðgangseyrir er 2000 kr. og hálfvirði fyrir eldri borgara og börn. Kaffi og kökur innifaldar. Á laugardagskvöldið verðu Svavar Knútur síðan með stofutónleika kl. 20.30. Aðgangseyrir kr. 2000. Sunnudaginn 3. des. er síðan hin árvissa Grýlugleði kl. 14 og jólakökuhlaðborð á eftir henni. Helgina 9.-10. des. verður opið kl. 13-17 bæði laugardag og sunnudag og þá verður haldið upp á 20 ára afmæli Gunnarsstofnunar. Meira um það síðar.
pall-palsson-skriduklaustur-2017.jpg

1000 ára skipulag - afmælismálþing

Málþing til heiðurs Páli Pálssyni á Aðalbóli sjötugum verður haldið á Skriðuklaustri nk. laugardag 4. nóv. kl. 13.30. Fjallað verður um kenningu Páls varðandi skipulag við upphaf byggðar á Íslandi. Erindi og ávörp flytja: Páll Pálsson fræðimaður á Aðalbóli, Guðrún Ása Grímsdóttir rannsóknaprófessor hjá Árnastofnun, Bjarni F. Einarsson fornleifafræðingur, Svavar Sigmundsson fyrrum forstöðumaður Örnefnastofnunar, Sveinbjörn Rafnsson prófessor emeritus. Málþingið hefst kl. 13.30. Kaffiveitingar og allir velkomnir. Skipuleggjendur og styrktaraðilar eru: Gunnarsstofnun, Árnastofnun, Fljótsdalshrepur, Snotra og Útgáfufélag Glettings.
Snjór á Klaustri

Vetur á Skriðuklaustri

Nýtt ár heilsar með vetri og starfsemi á Skriðuklaustri er í vetrardvala. Ekki verður opið næstu vikurnar með reglulegum opnunartíma. Hópar geta þó alltaf pantað opnun og einstaklingar geta einnig haft samband og forvitnast um hvort einhver sé á staðnum. Gunnarsstofnun og Klausturkaffi óska öllum gleðilegs nýs árs og við hlökkum til að taka á móti gestum með hækkandi sól.

Hafðu samband

  • This email address is being protected from spambots. You need JavaScript enabled to view it.

Komdu í heimsókn

Fylgdu okkur